domingo, 24 de julio de 2016

Outro polo marcado en Esmelle

Hoxe achegáronse Suso Domínguez, María Vidal e Jorge Domínguez á praia a anelar o único poliño que queda dos nacidos ao carón do río entre o 29 e 30 de Xuño. Os outros dous desapareceron. Non sabemos o motivo pero é unha zona moi concurrida nestas datas e con moitas molestias.
Como sempre, tamén tomaron dados biométricos. Se vedes algunha Píllara anelada é importante que mandedes a cita.
Nuns dez días voará se todo vai ben.
As fotos e o video son de Jorge.


video 
Deixovos un video da solta onde podedes escoitar ao macho chamándolo.
¡Moita sorte amigo!

 Un saúdo
 

jueves, 21 de julio de 2016

O primeiro xuvenil

Xa van chegando. Onte á tarde non había moita xente na praia e estivo un grupiño un rato tranquilo.
Entre elas a primeira nacida e anelada de este ano que vexo.
Larus michahellis michahellis, laranxa, código azul, 7K0, do proxecto  Murciano de Gonzalo González Barberá. A ver se o anelador cóntanos o historial. A cor do código díxomo Antonio Gutiérrez porque eu veíalo negro.

Os polos da subespecie mediterránea son máis grandes e precoces cas nosas L. m. lusitanicus, que aínda moitas non deixaron o niño.

Por máis que mirei non vín ao poliño de Píllara, pero por alí tiña que andar agochado porque o pai non paraba de chamalo.


No río, xa nas dunas, dúas femias de Candil curvado, (Onychogomphus uncatus). É a primeira vez que as vexo neste tramo do río. Un pouquiño máis arriba sí son doados de ver.


Tamén outra femia de Lavacú de Fonscolombe (Sympetrum fonscolombii).

E unha familia de Carriza dos xuncos (Cisticola juncidis)

Un saúdo

miércoles, 20 de julio de 2016

Nova poboación de Sympetrum meridionale

¡¡¡ Esmelle non podía ser menos ca parroquia veciña !!!
Se o ano pasado identificamos coa axuda de Anxos Romeo e Martiño Cabana unha nova poboación, das poucas citadas en Galicia, en Doniños,
http://siemprevuelvoaesmelle.blogspot.com.es/2015/09/sympetrum-meridionale.html
e
http://siemprevuelvoaesmelle.blogspot.com.es/2015/09/sympetrum-meridionale-ii.html

o pasado día doce, 4,5 Km ao N, eran dous os exemplares inmaduros que estaban entre o bosquete de Salix atrocinerea inundable e as dunas.

 Macho e femia. As citas xa foron validadas. Graciñas de novo Anxos.
http://biodiversidade.eu/avistamento/f1eh9qcnolir/
http://biodiversidade.eu/avistamento/rrt5v0nakkja/

As fotos foron complicadas pois non puiden achegarme pola vexetación e tiven que tirar moito de zoom.
Así todo, vense bastante ben os caracteres identificativos como o torax, a cor maioritariamente amarela das patas, o negro da "fronte" tapado parcialmente polo vertex e botándolle imaxinación (bastante) a forma da xenitalia secundaria do macho.

O macho



 A femia

 Agardo velos cedo xa adultos e atopar onde ovopositan.

Unha razón máis para protexer mellor esta zona tan machacada, a pesares de albergar dúas especies vulnerables con plan de protección da Xunta, como a Escribenta das canaveiras  (Emberiza schoeniclus sub. lusitanicus) e a Píllara das dunas (Charadrius alexandrinus).

Tamén, poboacións interesantes doutras dous libeliñas, Aeshna affinis e Brachytron pratense.

Un saúdo

lunes, 18 de julio de 2016

Seguimos: Callopistria juventina

Unha das máis bonitiñas.
Un saúdo

jueves, 14 de julio de 2016

Teño que deixalo xa !!!

O derradeiro pitillo do día amosoume unha chea de "bichos" nos que, a verdade, non me fixaba moito ata agora.


Alí, na entrada da casa, a unha vella e enferruxada lámpada, achéganse moitas bolboretas nocturnas e outros insectos.


Preséntovos unha delas. Como non teño guía non foi doado atopar o seu nome na rede.
A identificación confirmouna Jonatan Antúnez na páxina de Biodiversidade.eu onde vos animo a participar.


O malo é que o derradeiro son agora tres ou catro.

¡¡¡ Teño que deixalo xa !!!



Phragmatobia fuliginosa













Un saúdo



jueves, 7 de julio de 2016

Dúas xeracións xuntas



É o que ten o anelamento, que permítenos recoñecer os exemplares e aprender para a súa mellor protección.
Agora mesmo podemos ver en Esmelle dous poliños nacidos o ano pasado, que permaneceron alí desde que naceron con moi curtos desprazamentos ás praias limítrofes (Ponzos) en Xaneiro. Son os dous machos e non lograron emparellarse. Quizáis debido a que naceron moi tarde e esta primavera, cando se forman a maioría das parellas, aínda non adquiriran a plumaxe de adulto. Agardemos que o ano que vén reprodúzanse.
Tamén os deste ano, nacidos no medio da praia.
Os novos








Xunto eles, os anelados o ano pasado

















Os catro fixeron grupo xunto cun macho reproductor.














Recórdovos que agora mesmo hai ademáis tres poliños recén nacidos no niño ao carón do río e outro máis con dous ovos.
E pode haber sorpresas!!!
Van ter que aturar moitas molestias nestas datas pero a ver se teñen sorte.
 ¡Malo será!!!
Un saúdo

domingo, 3 de julio de 2016

Libélula de cu negro

Hoxe á tarde dín un paseo polas beiras do lago de Doniños. Co Nordestón non era doado que estiveran quetas. Puiden afotar esta femia de Orthetrum cancellatum. A ver se Cosme, Anxos, Xabi ou Martiño non me corrixen que é a primeira que vexo desta especie.
 Saúdos